రోడ్డు ప్రమాదంలో ఆర్మీ జవాన్ మృతి
స్టూడియో 10 టీవీ న్యూస్, అక్టోబర్09, మహానంది:
గాజులపల్లి- గిద్దలూరు నల్లమల ఘాట్ రోడ్డు దాదా ఖలందర్ దర్గా సమీపంలోని ఎదురుగా వస్తున్న ఆర్టిసి బస్సును తప్పించబోయి అదుపు తప్పి ద్విచక్ర వాహనదారుడు బస్సును ఢీకొని అక్కడికక్కడే మృతి చెందిన సంఘటన ఆదివారం సాయంత్రం చోటు చేసుకుంది.మహానంది మండలంలోని గాజులపల్లి గ్రామానికి చెందిన రామిశెట్టి కోటేశ్వరావు కుమారుడు మహేష్(28)గా గుర్తించిన మహానంది పోలీసులు. ఇతను పంజాబ్ లో ఆర్మీ జవాన్ గా విధులు నిర్వహిస్తూ సెలవులపై తన భార్య బిడ్డలను చూడడానికి ప్రకాశం జిల్లా కంభానికి వచ్చి తన చెల్లెలి పెళ్లి చూపుల నిమిత్తం తన స్వగ్రామమైన గాజులపల్లి గ్రామానికి వచ్చి తిరుగు ప్రయాణంలో వెళుతుండగా నల్లమల ఘాట్ లోని దాదా ఖలేందర్ మలుపు వద్ద గిద్దలూరు నుండి ఎదురుగా వస్తున్న కర్నూలు-కనిగిరి ఎక్స్ప్రెస్ బస్సును ఢీకొన్నాడు.ఈ ప్రమాదంలో మహేష్ తలకు తీవ్రగాయాలై అక్కడికక్కడే మృతి చెందాడు.మృతుడికి మూడు సంవత్సరాల కుమార్తె, ఒక సంవత్సరం వయసు గల కుమారుడు ఉన్నారు.మహానంది ఎస్సై నాగార్జున రెడ్డి సంఘటన స్థలానికి చేరుకొని కేసు నమోదు చేసి దర్యాప్తు చేపట్టారు.పోస్టుమార్టం నిమిత్తం మృతదేహాన్ని నంద్యాల ప్రభుత్వాసుపత్రికి తరలించారు.అనంతరం ఆర్టీసీ బస్సు డ్రైవర్‌ను అదుపులోకి తీసుకుని,బస్సును పోలీస్ స్టేషన్‌కు తరలించారు.
