భారీ వర్షానికి నేలకొరిగిన వృక్షం
స్టూడియో 10టీవీ న్యూస్, అక్టోబర్07, మహానంది:
మహానంది మండలంలో మూడు రోజులుగా ఎడతెరపి లేకుండా విస్తారంగా వర్షాలు కురుస్తున్నాయి. వర్షాలకు గ్రామాల్లో రహదారులు అన్ని జలమయం అయ్యాయి. మండలంలోని పలు గ్రామాల్లో పంటలు దెబ్బతిన్నాయి. సీతారామపురం గ్రామం వద్ద నంద్యాల గిద్దలూరు జాతీయ రహదారిపై శుక్రవారం ఉదయం భారీ వృక్షం రోడ్డుకు అడ్డంగా కూలిపోయింది. దీంతో వందల సంఖ్యలో నంద్యాల- గిద్దలూరు వెళ్లే వాహనాల రాకపోకలకు తీవ్ర ఆటంకం ఏర్పడింది. సమాచారం అందుకున్న మహానంది రోడ్ సేఫ్టీ పోలీసులు సంఘటన స్థానానికి చేరుకొని అక్కడి స్థానికుల సహాయంతో భారీ వృక్షాన్ని తొలగించి వాహనాల రాకపోకలను పునరుద్దించారు. ఈ సందర్భంగా పలువురు వాహనదారులు మహానంది రోడ్ సేఫ్టీ పోలీస్ సిబ్బందికి స్థానికులకి కృతజ్ఞతలు తెలిపారు.
