ఎర్రవల్లి పదవ బెటాలియను అకస్మిక తనిఖీ చేసిన అదనపు డీజీపీ అభిలాష్ బిప్త్
గద్వాల: అదనపు డీజీపి అభిలాష బిష్త్ IPS ఈరోజు 10వ బెటాలియన్ ను సందర్శించారు. ఈ పర్యటనలో భాగంగా బెటాలియన్ కు చెందినటువంటి సాయుధ చైతన్య ఇంగ్లీష్ మీడియం స్కూల్ విద్యార్థుల కోసం కొత్తగా ఏర్పాటుచేసిన కంప్యూటర్ ల్యాబ్, బుద్ధా గార్డెన్, రాక్ గార్డెన్ మరియు బెటాలియన్ ఎంట్రీ గేట్ ను అదనపు డిజిపి శ్రీమతి అభిలాష బిస్త్ ప్రారంభించారు. అదేవిధంగా బెటాలియన్ లో జరుగుతున్న అభివృద్ధి కార్యక్రమాలను మరియు అధికారులు, సిబ్బంది యొక్క పనితీరు పై సమీక్షించారు.
రాష్ట్ర అంతర్గత భద్రత, ప్రజల సంక్షేమానికి నిరంతరం పాటుపడాలని అన్నారు. రాష్ట్రంలో వర్షాలు అధికంగా కురుస్తున్న కారణంగా దోమ కాటుకు గురై వైరల్ ఫీవర్స్, డెంగ్యూ వంటి రోగాల బారిన పడకుండా పరిసర ప్రాంతాలు శుభ్రంగా ఉంచుతు తమను తాము రక్షిస్తూ తమ కుటుంబీకులకు కూడా రోగాల బారిన పడకుండా చూసుకోవాలని సూచించారు. ఈ కార్యక్రమంలో భాగంగా బెటాలియన్ కమాండెంట్ బి. రామ్ ప్రకాష్ అసిస్టెంట్ కమాండెంట్ లు సాంబశివరావు అనిల్ కుమార్, నాగభూషణం, RI లు ఆర్పి సింగ్, వెంకటేశ్వర్లు, రాజేష్, రాజారావు, రమేష్ బాబు ఇతర అధికారులు సిబ్బంది పాల్గొన్నారు
