రోడ్డు ప్రమాదాలకు నిలయంగా మారిన భారీ గుంత

ప్రకాశం జిల్లా కొమరోలు మండలం తాటిచెర్ల మోటు,పొట్టి పల్లి గ్రామ సమీపంలోని అమరావతి కడప రాష్ట్రీయ రహదారిపై ఏర్పడిన ఓ భారీ గుంత ప్రమాదాలకు నిలయంగా మారింది.గత కొద్దిరోజులుగా ఈ ప్రాంతంలో వాహనదారులు రోడ్డు ప్రమాదాలకు గురవుతున్నారు. వాహనదారుల ఇబ్బందులను గుర్తించిన ఎమ్మెల్యే ముత్తుముల అశోక్ రెడ్డి సంబంధిత అధికారులను రోడ్డుకు మరమ్మత్తులు చేయాలని ఆదేశించారు.అధికారులు మాత్రం ఆ గుంతలో కొంచెం మట్టి వేసి చేతుల దులుపుకున్నారు. గుంతలో వేసిన మట్టి అంతా కొట్టుకుపోవడంతో మళ్లీ సమస్య మొదటికొచ్చింది.వాహనదారులు ప్రమాదల బారిన పడుతున్నామని తక్షణమే సంబంధిత అధికారులు రోడ్డుపై ఏర్పడిన భారీ గుంత సమస్యకు శాశ్వత పరిష్కారం చూపించాలని వాహనదారులు కోరుతున్నారు.