అమ్మవారి ఆశీస్సులతో ప్రజలు ఆయురారోగ్యాలతో ఉండాలి
పలు ఆలయాల్లో నిర్వహించిన ప్రత్యేక పూజలలో పాల్గొన్న… బిజెపి రాష్ట్ర కార్యవర్గ సభ్యులు,శేరిలింగంపల్లి అసెంబ్లీ ఇంఛార్జి రవి కుమార్ యాదవ్
స్టూడియో 10 రంగారెడ్డి:
శేరిలింగంపల్లి నియోజకవర్గం లింగంపల్లి డివిజన్ , చందా నగర్ డివిజన్, మియాపూర్ డివిజన్, హఫీజ్ పేట్ డివిజన్, గచ్చిబౌలి డివిజన్ల పరిధిలోని అమ్మవారి దేవాలయాలలో బోనాల మహోత్సవం సందర్భంగా నిర్వహించిన ప్రత్యేక పూజలలో బిజెపి రాష్ట్ర కార్యవర్గ సభ్యులు, శేరిలింగంపల్లి అసెంబ్లీ ఇంఛార్జి రవి కుమార్ యాదవ్ ముఖ్య అతిథిగా హాజరయ్యారు. ఈ సందర్భంగా ఆయన మాట్లాడుతూ బోనాల ఉత్సవాల సందర్భంగా ప్రతి ఒక్కరికి అమ్మ వారి ఆశీస్సులు ఉండాలని కోరుకుంటూ బోనాల పండుగ శుభాకాంక్షలు తెలియచేశారు. మన సంస్కృతి, సంప్రదాయాలకు బోనాల పండుగ ఒక ప్రతీక. అమ్మవారి దీవెనల కోసం బోనమెత్తే ప్రతి ఆడబిడ్డ హిందూ సంస్కృతికి నిజమైన వారసురాలు. అమ్మవారి దీవెనలతో ప్రజలంతా సుఖశాంతులతో జీవించాలని కోరుకున్నారు, భక్తులకు ఎలాంటి ఇబ్బంది కలగకుండా చూడాలని ఆలయ కమిటీల వారికి సూచించారు.
