దొడ్డి కొమురయ్య గారికి నివాళులు అర్పించిన ఎమ్మెల్యే కాలే యాదయ్య
తెలంగాణ సాయుధ రైతాంగ పోరాట యోధుడు దొడ్డి కొమరయ్య 78వ వర్ధంతి కార్యక్రమంలో పాల్గొన్న..
చేవెళ్ల శాసనసభ్యులు కాలె యాదయ్య గారు మాట్లాడుతూ…. భూమికోసం భుక్తి కోసం తెలంగాణ విముక్తి కోసం పోరాడిన వీరుడు దొడ్డి కొమరయ్య అన్నారు. మనిషిని మహాశక్తిగా నడిపించిన ఖ్యాతి దొడ్డి కొమరయ్యేదన్నారు. నియోజకవర్గ కేంద్రంలో కురుమ సంక్షేమ భవన్ ఏర్పాటు చేస్తామని హామీ ఇచ్చారు. తెలంగాణ రైతాంగ సాయుధ పోరాటంలో దుర్మార్గాలను దురాగతాలను అన్యాలను అణచివేతలను సహించక పసునూరి రామచంద్రారెడ్డి పై ఎదురు తిరిగి నేలకొరిగిన తొలి తెలంగాణ యోధుడన్నారు. ఉద్యమాల కిల్లా ఓరుగల్లు జిల్లా కడివెండి గ్రామంనుండి దొడ్డి కొమరయ్య త్యాగం కాంతి రేఖై ఎగిసిందన్నారు. ఆయన విగ్రహాన్ని చేవెళ్ల గడ్డపై పెట్టడం గర్వకారణం ఎమ్మెల్యే కాలే యాదయ్య గారు అన్నారు.
