చేగుంట జాతీయ రహదారిపై ఘోర రోడ్డు ప్రమాదం నలుగురు మృతి

రామాయంపేట ( స్టూడియో10 టీవీ ప్రతినిధి) జూన్ 28:- మెదక్ జిల్లా చేగుంట 44వ జాతీయ రహదారి వడియారం బైపాస్ వద్ద ఘోర రోడ్డు ప్రమాదం జరిగింది. పోలీసుల కథనం ప్రకారం వివరాలు ఇలా ఉన్నాయి.చేగుంట బైపాస్ రోడ్డులో శుక్రవారం ఉదయం 4 గంటల ప్రాంతంలో నాగపూర్ నుండి హైదరాబాద్ కు మేకల లోడ్ తో వెళ్తున్న లారీ ముందు వెళ్తున్న వేరొక లారీకి ఢీకొట్టడం లారీ డ్రైవర్ జాగ్రత్త వల్ల ఈ రోడ్డు ప్రమాదం జరిగిందని తూప్రాన్ డిఎస్పి వెంకట్ రెడ్డి తెలిపారు.ఈ రోడ్డు ప్రమాదంలో వెనుక లారీలో ఉన్న నలుగురు అక్కడికక్కడే మృతి చెందినట్లు తెలిపారు. మరో నలుగురి పరిస్థితి విషమంగా ఉండటంతో ప్రైవేట్ ఆస్పత్రికి తరలించి చికిత్స అందిస్తున్నట్లు పేర్కొన్నారు.ఈ మేరకు కేసు నమోదు చేసుకుని దర్యాప్తు చేస్తున్నట్లు తూప్రాన్ డిఎస్పి తెలిపారు.