ట్రాక్టర్ ద్విచక్ర వాహనం ఢీ

నార్సింగి : నార్సింగి నుంచి నర్సంపల్లి వెళ్ళే దారిలో విద్యుత్ సబ్ స్టేషన్ వద్ద ఈ నెల 5 న రాత్రి ట్రాక్టర్ ద్విచక్ర వాహనం ఢీ కొట్టగా వ్యక్తికి తీవ్ర గాయాలయ్యాయి. చికిత్స నిమిత్తం హైదరాబాద్ లోని గాంధీ కి తరలించగా చికిత్స పొందుతూ శనివారం ఉదయం మృతి చెందాడు. నార్సింగి ఎస్ఐ అహ్మద్ మోహిఉద్దిన్ తెలిపిన వివరాల ప్రకారం ఈ నెల 5న రాత్రి నర్సంపల్లి గ్రామానికి చెందిన పైతిరి అంజయ్య (45) రామాయంపేట లో తన స్వంత పని ముగించుకుని ద్విచక్ర వాహనం పై స్వగ్రామానికి వెళుతుండగా నార్సింగి నుంచి నర్సంపల్లి వెళ్ళే దారిలో విద్యుత్ సబ్ స్టేషన్ సమీపంలో కాస్లాపూర్ గ్రామానికి చెందిన గణేష్ యాదవ్ కు చెందిన ట్రాక్టర్ ను ట్రాక్టర్ డ్రైవర్ అతి వేగంగా, అజాగ్రత్తగా నడుపుతూ ఎదురుగా వస్తున్న అంజయ్య ద్విచక్ర వాహనాన్ని ఢీ కొట్టగా అంజయ్య తీవ్రంగా గాయపడ్డాడు. తీవ్రంగా గాయపడిన అంజయ్య ను చికిత్స నిమిత్తం హైదరాబాద్ లోని గాంధీ ఆసుపత్రి కు తరలించగా అక్కడ చికిత్స పొందుతూ శనివారం ఉదయం మృతి చెందాడు. కేసు నమోదు చేసి దర్యాప్తు చేస్తున్నట్లు ఎస్ఐ తెలిపారు.