ఝాన్సీలింగాపూర్ లో గ్రామ దేవతలకు జాతర ఉత్సవాలు ప్రారంభం

రామాయంపేట (స్టూడియో10 టీవీ ప్రతినిధి) మే 22:- మెదక్ జిల్లా రామాయంపేట మండలం ఝాన్సీలింగాపూర్ గ్రామంలో గ్రామ దేవతలకు జాతర ఉత్సవాలు ప్రారంభమయ్యాయని గ్రామ సర్పంచ్ పంపాల జ్యోతి శ్రీనివాస్ తెలిపారు.ఈ జాతర ఉత్సవాలు ఈనెల 19 ఆదివారం నుండి మొదలుకొని ఈనెల 25 శనివారం వరకు ఈ జాతర ఉత్సవాలు ఘనంగా జరుగుతాయని పేర్కొన్నారు.అదేవిధంగా మొదటి రోజున దుర్గమ్మకు పండగ రెండవ రోజు మైసమ్మకు మూడవరోజు నల్ల పోచమ్మకు నాలుగవ రోజు పోలేరమ్మకు కళ్యాణ మహోత్సవం పూజ కార్యక్రమాలు ఒగ్గు కళాకారులచే అమ్మ వారి కథలు చెప్పడం జరుగుతుందని చివరగా తీర్థ ప్రసాదాలు అన్నదాన వితరణ కార్యక్రమాలు నిర్వహించడం జరుగుతుందని తెలిపారు.ఈ జాతర ఉత్సవాలకు మండలంలో వివిధ గ్రామాల ప్రజల పెద్ద ఎత్తున పాల్గొని విజయవంతం చేయాలని కోరారు.