ముగిసిన క్రికెట్ టోర్నమెంట్
కొండా వెంకట రంగారెడ్డి, జస్టిస్ కొండా మాధవ రెడ్డి ఫౌండేషన్ అధ్వర్యంలో గత 2 నెలలుగా చేవెళ్ల పట్టణ కేంద్రంలోనీ కేవీఆర్ మైదానంలో నిర్వహిస్తున్న క్రికెట్ టోర్నమెంట్ గురువారం ముగిసింది. ఫైనల్ మ్యాచ్ లో వికారాబాద్ 11 జట్టు విజేతగా నిలవగా చేవెళ్ల స్ట్రైకర్ జట్టు రన్నరప్ గా నిలిచింది. క్రీడాకారులకు మాజీ ఎమ్మెల్యే కె.ఎస్ రత్నం, చేవెళ్ల ఎంపీపీ విజయలక్ష్మి, భాజపా మండల అధ్యక్షుడు పాండు రంగారెడ్డి చేతుల మీదుగా ట్రస్టు అధ్వర్యంలో నగదు బహుమతితో పాటు జ్ఞాపికలను అందజేశారు. అలాగే టోర్నమెంట్ లో ప్రతిభ కనబరిచిన క్రీడాకారులకు మ్యాన్ ఆఫ్ ది సిరీస్, మ్యాన్ ఆఫ్ ది మ్యాచ్ అవార్డులు అందజేశారు. ఈ సందర్భంగా టోర్నీ ఆర్గనైజర్ అతెళ్లి అనంత్ రెడ్డిని వారు ప్రత్యేకంగా అభినందించారు. యువకులు గెలుపోటములను సమానంగా తీసుకోవాలని.. క్రీడా స్ఫూర్తిని చాటాలని తెలిపారు. బహుమతుల ప్రధానోత్సవంలో భాజపా జిల్లా కార్యదర్శి వెంకట్ రెడ్డి, మాజీ సర్పంచి మాణిక్య రెడ్డి, అడ్డెట్ల శ్రీనివాస్, అత్తేలి మధుసూదన్ రెడ్డి, డా. వైభవ్ తదితరులు పాల్గొన్నారు.
