నార్సింగి మండల బీఆర్ఎస్ నాయకులు, మాజీ ఎంపీటీసీ యాదగిరి, బీఆర్ఎస్ ఎస్సీ సెల్ అధ్యక్షుడు రోమాల రాజు కాంగ్రెస్ పార్టీలో చేరారు. ఆదివారం దుబ్బాక కాంగ్రెస్ ఇంచార్జీ చెరుకు శ్రీనివాస్ రెడ్డి కాంగ్రెస్ కండువా కప్పి పార్టీలోకి ఆహ్వానించారు. ఈ సందర్భంగా వారు మాట్లాడుతూ కాంగ్రెస్ ప్రభుత్వం అధికారంలోకి వచ్చిన తర్వాత పేదలకు న్యాయం జరుగుతుందని భావించి కాంగ్రెస్ లో చేరుతున్నామన్నారు. కాంగ్రెస్ బలోపేతం చేసేందుకు కృషి చేస్తామన్నారు. ఈ కార్యక్రమంలో కాంగ్రెస్ మండల అధ్యక్షుడు ఆకుల శ్రీనివాస్ గౌడ్, మాజీ ఏఎంసీ వైస్ చైర్మన్ ఎన్నం రాజేందర్ రెడ్డి, దొంతి దేవదాసు, ఎంకే రాజు, తొంట స్వామి ఉన్నారు.
కాంగ్రెస్ లో చేరిన బీఆర్ఎస్ మాజీ ఎంపీటీసీ
