గోల్పర్తి గ్రామంలో ఇంటింటికి ప్రచారం చేసిన బిజెపి నాయకులు

మెదక్ జిల్లా రామాయంపేట మున్సిపాలిటీ పరిధిలోని గోల్పర్తి గ్రామంలో ఆదివారం నాడు మెదక్ ఎంపీ అభ్యర్థి రఘునందన్ రావు కు మద్దతుగా రామాయంపేట పట్టణ బిజెపి అధ్యక్షుడు దమ్మయ్య గారి భానుచందర్ ఆధ్వర్యంలో బిజెపి నాయకులు గోల్పర్తి 7వ వార్డు బూత్ నెంబర్ 88 లో ఇంటింటికి ప్రచారం నిర్వహించారు. ఈ సందర్భంగా భానుచందర్ మాట్లాడుతూ.. దేశంలో మోడీ చేసిన సంక్షేమ పథకాలను ప్రజలు ఆకట్టుకొని మూడోసారి మోడీ ప్రధాని కావాలని కోరుకుంటున్నారని తెలిపారు. దేశంలో మోడీ చేసిన అభివృద్ధి పనులు ప్రజలకు వివరించడం జరిగిందన్నారు. రాబోయే పార్లమెంట్ ఎన్నికల్లో మెదక్ నియోజకవర్గం నుండి పోటీ చేస్తున్న బిజెపి అభ్యర్థి రఘునందన్ రావుకు కమలం పువ్వు గుర్తుకు ఓటు వేసి గెలిపించాలని ఓటర్లకు ఆయన అభ్యర్థిస్తూ సూచించారు. ఈ కార్యక్రమంలో ఓబీసీ మోర్చా రాష్ట్ర కార్యవర్గ సభ్యులు చింతల శేఖర్, పట్టణ ప్రధాన కార్యదర్శి అవినాష్ రెడ్డి, గొల్పర్తి బూత్ అధ్యక్షులు శ్రీకాంత్,వేలుముల రమేష్, కన్నయ్య, నరేష్, బాసం అనిల్ తదితరులు పాల్గొన్నారు.