హైదరాబాద్ ఏప్రిల్ 11, ప్రతినిధి : బడుగు, బలహీన వర్గాల ఆశాజ్యోతి, మహిళల విద్యాభివృద్దికి మార్గదర్శి జ్యోతి రావు ఫూలే జయంతి సందర్భంగా ఎం.బి.సి చైర్మెన్ జెరిపేటి జైపాల్ అధ్వర్యంలో కాంగ్రెస్ పార్టీ, అనుబంధ సంస్థల ప్రతినిధులు కలిసి జ్యోతీ రావు ఫూలే చిత్ర పటానికి పూలమాలలు వేసి ఘనంగా వారి జయంతి వేడుకలు నిర్వహించారు. ఇంటికీ దీపం ఇల్లాలు ఆ ఇల్లాలు చదువుకుంటే కుటుంబం అంతా విద్యా వెలుగులు విరజిమ్మి వారు అభివృధ్ది పథం లో నిలుస్తారు అని చాటి చెప్పిన మహోన్నత వ్యక్తి ఫూలే అని అలాగే అణగారిన వర్గాల చైతన్యం కోసం నిత్యం అలుపెరుగని పోరాట పటిమ గల యోధుడు అని అయన సేవలను స్మరించుకున్నారు. ఈ కార్యక్రమంలో కాంగ్రెస్ పార్టీ నేత పోచయ్య , కాంగ్రెస్ పార్టీ సేవాదల్ నాయకులు శేఖర్, యూత్ కాంగ్రెస్ నేత రాథోడ్ సోషల్ మీడియా కన్వీనర్ కవిరాజ్ తలారిలు పాల్గొన్నారు.
మహాత్మ జ్యోతీ రావు ఫూలే జయంతి వేడుకలు.
