-అంబేద్కర్ యువజన సంఘం అధ్యక్షుడు సున్నపు ప్రవీణ్
-అంబేద్కర్ జీవిత చరిత్ర కర పత్రాలు ఆవిష్కరణ
మహాత్మా జ్యోతిరావు ఫూలే ఆశయ సాధన కోసం ప్రతి ఒక్కరూ కృషి చేయాలని చేవెళ్ల అంబేద్కర్ యువజన సంఘం అధ్యక్షుడు సున్నపు ప్రవీణ్, ఆలిండియా అంబేద్కర్ యువజన సంఘం జిల్లా అధ్యక్షుడు బేగరి ప్రభాకర్, జిల్లా కార్యదర్శి మహేష్ అన్నారు. మహాత్మా జ్యోతిరావు పూలే జయంతి సందర్భంగా గురువారం చేవెళ్లలోని ఆయన విగ్రహానికి పూలమాలలు వేసి నివాళులర్పించారు. ఈ సందర్భంగా వారు మాట్లాడుతూ…సమాజలో కులవివక్ష, అసమానతల నిర్మూలనకు పూలే ఎనలేని కృషి చేశారని, భారతదేశంలో ప్రముఖ సంఘ సంస్కర్తలలో ఒకరిగా గుర్తింపు పొందారన్నారు.బడుగు, బలహీన వర్గాల అభ్యున్నతికి జ్యోతిరావు ఫూలే ఎంతో కృషి చేశారని కొనియాడారు. మహనీయులను సేవలు నేటి తరంతోపాటు, రాబోయే తరానికి స్ఫూర్తిగా నిలుస్తుందన్నారు. మహనీయుల అడుగుజాడల్లో యువత నడవాలని పిలుపునిచ్చారు. అనంతరం డాక్టర్ బాబా సాహెబ్ అంబేద్కర్ జీవిత చరిత్ర కర పత్రాలు ఆవిష్కరించారు. ఈ కార్యక్రమంలో ఆలిండియా అంబేద్కర్ యువజన సంఘం మండల అధ్యక్షుడు మల్లెపల్లి శ్రీనివాస్, మండల ఉపాధ్యక్షుడు గణేష్ తదితరులు ఉన్నారు.
