ఘనంగా నిర్వహించిన శ్రీ క్రోధి నామ సంవత్సర ఉగాది వేడుకలు
హైదరాబాద్ స్టూడియో టీవీ 10
గచ్చిబౌలి డివిజన్ నేతాజీ నగర్ కాలనీలో శ్రీ రేణుక ఎల్లమ్మ నల్ల పోచమ్మ దేవాలయం వద్ద కాలనీ అధ్యక్షులు బేరి రామచందర్ యాదవ్. ఆలయ కమిటీ సభ్యుల ఆధ్వర్యంలో శ్రీ క్రోధి నామ సంవత్సరం ఉగాది వేడుకలు ఘనంగా నిర్వహించారు. ఈ సందర్భంగా అమ్మవారిని అలంకరించి పూజలు నిర్వహించి దర్శించుకున్నారు. ఈ సందర్భంగా బేరి రామచందర్ యాదవ్ గారు మాట్లాడుతూ ఆరోగ్యం గొప్ప బహుమతి, సంతృప్తి గొప్ప సంపద, విశ్వసనీయత ఉత్తమ సంబంధం. ఆరోగ్యమే మహాభాగ్యం.. ఆనందమే జీవిత పరమార్థం.. ఈ కొత్త ఏడాదిలో మీరు ఆరోగ్యంగా, ఆనందంగా జీవించాలని కోరుకుంటూ.. మనస్ఫూర్తిగా ఆ భగవంతుని కోరుకుంటూ మీకు మీ కుటుంబ సభ్యులకు శ్రీక్రోధినామ సంవత్సర ఉగాది శుభాకాంక్షలు తెలియజేశారు. ఈ ఉగాది ఆరంభం నుంచి ప్రజలందరు సుఖసంతోషాలతో ఆయురారోగ్యాలతో అష్టైశ్వర్యాలతో ఆనందంగా జీవించాలన్నారు. అదేవిధంగా వర్షాలు సకాలంలో పడి పాడిపంటలు బాగా పండాలని రైతులు సంతోషంగా ఉండాలని అన్నారు. ఈ కార్యక్రమంలో నేతాజీ నగర్ ఆలయ అర్చకులు ప్రణయ్ శర్మ పంతులు, కాలనీ ఉపాధ్యక్షులు రాయుడు కే నరసింహ, కోశాధికారి కుమార్ నాయక్, అశోక్ నాయక్, సింహాద్రి, బాలరాజ్ పెయింటర్, సురేష్ నాయక్, కాలనీ ప్రజలు మహిళలు పెద్దలు యువజన నాయకులు పిల్లలు పెద్ద ఎత్తున పాల్గొని ఒకరికొకరు ఆలింగనం చేసుకుని ఉగాది శుభాకాంక్షలు తెలియజేసుకున్నారు.
