Venkatramulu, Ramayampet Reporter
మెదక్ జిల్లా రామాయంపేట మండల కేంద్రం నుండి శనివారం నాడు హైదరాబాద్ తుక్కుగూడలో దేశ భవిష్యత్తును మార్చే కాంగ్రెస్ మేనిఫెస్టో తెలంగాణ గడ్డపై నుంచి విడుదల చేస్తూ జరిగే తెలంగాణ జన జాతర కార్యక్రమానికి రామాయంపేట మండలం నుండి కాంగ్రెస్ పార్టీ నాయకులు,కార్యకర్తలు పెద్ద ఎత్తున బయలుదేరి వెళ్లారు.ఈ సందర్భంగా టీపీసీసీ రాష్ట్ర కార్యదర్శి చౌదరి సుప్రభాత రావు మాట్లాడుతూ కాంగ్రెస్ పార్టీ అగ్ర నాయకులు రాహుల్ గాంధీ, ప్రియాంక గాంధీ రాష్ట్ర ముఖ్యమంత్రి రేవంత్ రెడ్డి గారి నాయకత్వం వర్ధిల్లాలి అన్నారు. రాబోయే పార్లమెంట్ ఎన్నికల్లో తెలంగాణ రాష్ట్రంలో బిఆర్ఎస్ పార్టీని పూర్తిగా తుడిచిపెట్టి కాంగ్రెస్ పార్టీ జెండాలను ఎగురవేయడానికే ఈ కార్యక్రమం ఏర్పాటు చేయడం జరిగిందన్నారు.అలాగే రాబోయే పార్లమెంట్ ఎన్నికల్లో మెదక్ నియోజకవర్గం నుండి ఎమ్మెల్యే మైనంపల్లి రోహిత్ రావు, మైనంపల్లి హనుమంతరావు నాయకత్వంలో కాంగ్రెస్ పార్టీ నాయకులు కార్యకర్తలు కలిసికట్టుగా పనిచేసి కాంగ్రెస్ పార్టీ తరఫున మెదక్ ఎంపీ అభ్యర్థిగా పోటీ చేస్తున్న నీలం మధు ముదిరాజ్ ను భారీ మెజార్టీతో గెలిపించి మెదక్ గడ్డపై కాంగ్రెస్ పార్టీ జెండాను తప్పకుండా ఎగరవేస్తామని ఆయన అన్నారు. ఈ కార్యక్రమంలో మండల కాంగ్రెస్ పార్టీ నాయకులు, కార్యకర్తలు పెద్ద ఎత్తున పాల్గొన్నారు.
