పెరటి కోళ్ల పెంపకం ద్వారా అదనపు ఆదాయం: నంగా పద్మజా రెడ్డి
పాకాల( స్టూడియో 10 న్యూస్ ) తిరుపతి జిల్లా చంద్రగిరి నియోజకవర్గం పాకాల మండలం డ్వాక్రా సంఘాలకు పెరటి కోళ్లను పాకాల జడ్పిటిసి నంగా పద్మజా రెడ్డి సభ్యులకు పంపిణీ చేశారు. పాకాల, మొగరాల, దామల చెరువులో ఈ కార్యక్రమం శనివారం జరిగింది. ఈ సందర్భంగా జెడ్పిటిసి నంగా పద్మజా రెడ్డి మాట్లాడుతూ డ్వాక్రా సంఘాలు వారు 3000 రూపాయలు చెల్లించి 11 కోళ్లను ప్రభుత్వం అందజేస్తుందన్నారు. పెరటి కోళ్ల ద్వారా మహిళలకు, పిల్లలకు పౌష్టికాహారం అందించడమే ప్రభుత్వ లక్ష్యమన్నారు. కోవిడ్ సమయంలో పౌష్టికాహార లోపంతో చాలామంది అనారోగ్యం పాలయ్యారని తెలిపారు. కోళ్ల మాంసం ద్వారా కానీ, కోళ్ల గుడ్ల ద్వారా గాని అదనపు ఆదాయం పొందవచ్చు అన్నారు. ఈ కార్యక్రమంలో వెలుగు ఏపీఎం కోమల దేవి, సంఘం మండల అధ్యక్షురాలు షబానా, సభ్యులు పాల్గొన్నారు.
