గ్రామాల్లో నెలకొన్న సమస్యలను పరిష్కరించాలి
-మండల అధ్యక్షురాలు బుడ్డారెడ్డి యశస్విని
స్టూడియో 10 టీవీ న్యూస్, అక్టోబర్ 31, మహానంది:
గ్రామాల్లో నెలకొన్న సమస్యలను పరిష్కరించాలని
మండల అధ్యక్షురాలు బుడ్డారెడ్డి యశస్విని అన్నారు.మంగళవారం మహానంది మండలం బుక్కాపురం గ్రామ మహిళా మండల సమైక్య కార్యాలయం నందు మండల సర్వసభ్య సమావేశం మండల అధ్యక్షురాలు బుడ్డా రెడ్డి యశస్విని అధ్యక్షత నిర్వహించారు. ఈ సమావేశములో గడచిన మూడు నెలల అభివృద్ధి పురోగతిపై అధికారులు వివరించారు. మండలంలోని పలు గ్రామాలలోని పలు సమస్యల పై మండల అధికారులతో చర్చించారు. ఎంపీపీ బుడ్డా రెడ్డి యశస్విని మాట్లాడుతూ..గ్రామాలలో త్రాగునీటి సమస్య లేకుండా చూడాలని, పారిశుధ్యం పై చర్యలు తీసుకోవాలని అన్నారు.సర్వసభ్య సమావేశంలో తెలియజేసిన సమస్యలను త్వరితగతిన పరిష్కరించాలని ఆదేశించారు. అనంతరం మహానంది మండల సర్వసభ్య సమావేశంలో బుక్కాపురం గ్రామ రైతులకు మండల వ్యవసాయ శాఖ అధికారి నాగేశ్వర్ రెడ్డి ఆధ్వర్యంలో మండల అధ్యక్షురాలు బుడ్డారెడ్డి యశస్విని, జడ్పిటిసి మహేశ్వర రెడ్డి, తాహసిల్దార్ జనార్ధన్ శెట్టి, ఎంపీడీవో శివ నాగజ్యోతి వారి చేతుల మీదుగా బ్రోమోడయాలోన్ అనే ఎలుకల మందును గ్రామ రైతులకు ఉచితంగా పంపిణీ చేశారు.ఈ సమావేశంలో తహసిల్దార్ జనార్దన్ శెట్టి, ఎంపీడీవో శివ నాగ జ్యోతి, జడ్పిటిసి కెవిఆర్ మహేశ్వర్ రెడ్డి,మండలంలోని అన్ని ప్రభుత్వ శాఖల అధికారులు, పంచాయతీ సెక్రటరీలు, సర్పంచులు, ఎంపీటీసీలు తదితరులు పాల్గొన్నారు.
