గణపతి పూజతో విశ్వశాంతి మహా యాగానికి శ్రీకారం

విశ్వశాంతి కోసం శ్రీకృష్ణ పీఠాధిపతి శ్రీ శ్రీ కృష్ణ జ్యోతి స్వరూపానంద స్వామి చేపట్టిన అయుత చండి ,అతి రుద్రం, శ్రీ సీతారామ సామ్రాజ్య పట్టాభిషేకం, 81వ విశ్వశాంతి మహా యాగ మహోత్సవం గురువారం స్వామీజీ ప్రారంభించారు. షాద్ నగర్ పట్టణంలోని జడ్చర్ల రోడ్డు సాయి బాలాజీ టౌన్షిప్ ఎదురుగా ఉన్న పలబట్ల మైదానంలో ఈ కార్యక్రమంలో నిర్వహిస్తున్నారు. ఈ సందర్భంగా ఉదయం స్వరూపానంద స్వామి తో పాటు రుత్వికులు గణపతి పూజతో మహా యాగ మహోత్సవంలో ప్రారంభించారు. పలమట్ల జగన్మోహన్, పాలమూరు ట్రస్ట్ చైర్మన్ పాలమూరు విష్ణువర్ధన్ రెడ్డి, జడ్చర్ల వాసి పూర్ణ చందర్రావు దంపతులు ఈ పూజా కార్యక్రమాలను నిర్వహించారు. 14 రోజులపాటు నిర్వహించే మహాయాగ మహోత్సవం విశిష్టతను ఈ సందర్భంగా శ్రీ కృష్ణ జ్యోతి స్వరూపానంద స్వామి వివరించారు సాయంత్రం హోమ ప్రవేశం, ప్రత్యేక పూజ కార్యక్రమాలు ఉంటాయని వివరించారు..