- మార్లబీడు గ్రామంలోని ఎన్నికల ప్రచారంలో పాల్గొన్న…
- అఖిల భారత ఫార్వర్డ్ బ్లాక్ పార్టీ గద్వాల ఎమ్మెల్యే అభ్యర్థి గొంగళ్ల రంజిత్ కుమార్….
- గొంగళ్ల రంజిత్ కుమార్ గారికి పూలవర్షం కురిపించి ఘన స్వాగతం పలికిన గ్రామస్తులు…
జోగులాంబ గద్వాల జిల్లా: ధరూర్ మండలం మార్లబీడు గ్రామంలో ఈరోజు నడిగడ్డ హక్కుల పోరాట సమితి ఆధ్వర్యంలో చేపట్టిన ఎన్నికల ప్రచారం కార్యక్రమానికి ముఖ్య అతిథిగా అఖిల భారత ఫార్వర్డ్ బ్లాక్ పార్టీ గద్వాల ఎమ్మెల్యే అభ్యర్థి గొంగళ్ల రంజిత్ కుమార్ గారు హాజరయ్యారు. ఈ సందర్భంగా గ్రామానికి విచ్చేసిన గొంగళ్ల రంజిత్ కుమార్ గారికి గ్రామస్తులు పూలవర్షం కురిపించి బ్రహ్మరథం పట్టి ఘన స్వాగతం పలికి గజమాలతో సత్కరించారు.
ఈ సందర్భంగా ఎమ్మెల్యే అభ్యర్థి గొంగళ్ల రంజిత్ కుమార్ మాట్లాడుతూ…..
గద్వాల నియోజకవర్గంలో ఆత్మగౌరవం,విద్య, వైద్యం అభివృద్ధి సంక్షేమం కోసం పోరాటం చేద్దామని వచ్చే ఎన్నికల్లో ఎమ్మెల్యే అభ్యర్థిగా పోటీలో బరిలో ఉంటానని నడిగడ్డ ప్రజలు బహుజన నాయకుడికి తమకు ఒక్కసారి అవకాశం ఇస్తే గద్వాల కోటపైన బహుజన జండా ఎగురవేసి గద్వాల అభివృద్ధికి బంగారు బాటలు వేసుకుందామని ఈ సందర్భంగా అయన మాట్లాడారు. గత పాలకుల నిర్లక్ష్యం వల్ల ఆత్మగౌరవం లేకుండా బంగ్లాల కింద అణచబడ్డ జాతులను మేల్కొల్పడానికి మీ బహుజనుల పేదోడి బిడ్డగా మీ ముందుకు రావడం జరిగిందని అన్నారు.
70 సంవత్సరాల నుండి ఒకే కుటుంబానికి అధికారం ఇచ్చినకానీ బంగ్లా పాలకులు ఏమాత్రం కూడా గద్వాల ప్రాంతాన్ని అభివృద్ధి చేయడానికి నోచుకోలేదు. కావున వచ్చే ఎన్నికల్లో బంగ్లా కుటుంబాన్ని ఓటు అనే ఆయుధంతో బుద్ధి చెప్పాలని ఆయన కోరారు. కావున రాబోయే రోజుల్లో మహనీయుడు డాక్టర్. బీఆర్. అంబేద్కర్ గారు ఇచ్చిన ఓటుఅనే బలమైన ఆయుధంతో ప్రజలే బంగ్లా పాలకులకు తగిన బుద్ధి చెబుతారని అన్నారు.నడిగడ్డ మార్పు కోసం నడిగడ్డ ప్రజల ఆకాంక్ష కోసం, విద్య,వైద్యం,అభివృద్ధి, సంక్షేమం కావాలంటే రాజ్యాధికారంతోనే సాధ్యమని కావున రాబోయే ఎన్నికల్లో బరిలో నిలబడి గద్వాల కోటపైన బహుజన జెండాను ఎగరవేస్తామని ఈ సందర్భంగా నడిగడ్డ ప్రజలు ఒక్కసారి అవకాశం ఇచ్చి సింహం గుర్తుకు ఓటు వేసి ఆశీర్వదించాలని కోరారు.
ఈ కార్యక్రమంలో నడిగడ్డ హక్కుల పోరాట సమితి జిల్లా కన్వీనర్ బుచ్చిబాబు, కార్యదర్శి లవన్న, జిల్లా నాయకులు విజయ్ కుమార్,అవనిశ్రీ,పరశురాముడు,వెంకట్రాములు,ధరూర్ మండల అధ్యక్షుడు నెట్టెంపాడు గోవిందు,గ్రామ అధ్యక్షుడు ధర్మన్న, నడిపి నరసింహులు, జమ్మన్న,గోవిందు,ఆంజనేయులు,వాసు,కర్రెప్ప,పెద్ద ఆంజనేయులు,నడిపి చిన్న తిక్కలన్న మరియు మల్దకల్ మండల అధ్యక్షుడు విష్ణు, ఉపాధ్యక్షులు ప్రేమ్ రాజ్ కార్యదర్శి తిమ్మప్ప,కె.టి.దొడ్డి మండల నాయకులు అంజి, భీమన్ గౌడ్,దస్తగిరి గౌడ్, రాముడు,జ్ఞానేశ్వర్, ఉపేంద్ర, ఎల్లేష్,మరియు మండల,గ్రామ నాయకులు కార్యకర్తలు, గ్రామస్తులు అభిమానులు తదితరులు పెద్ద ఎత్తున పాల్గొన్నారు.
