ప్రజలందరికీ దసరా శుభాకాంక్షలు
-డాక్టర్ రమేష్ ఎంబిబిఎస్
స్టూడియో 10 టీవీ న్యూస్, అక్టోబర్ 23, మహానంది:
చెడుపై మంచి సాధించిన విజయానికి ప్రతీకగా నిలిచే పండుగ విజయ దశమి (దసరా) అని గాజులపల్లె శ్రీ వెంకటేశ్వర క్లినిక్ నిర్వాహకులు డాక్టర్ రమేష్ ఎంబిబిఎస్ అన్నారు.మహానంది మండలంలోని ప్రజలందరూ పండుగను సంతోషంగా జరుపుకోవాలని ఆయన ఆకాంక్షించారు. విజయదశమిని పురస్కరించుకుని ప్రజలందరికి దసరా శుభాకాంక్షలు తెలిపారు. ఈ సందర్భంగా డాక్టర్ రమేష్ ఎంబిబిఎస్ మాట్లాడుతూ
జగన్మాత ఆశీస్సులతో ప్రజలంతా సుఖ శాంతులతో, సిరి సంపదలతో తులతూగాలని, ప్రతి ఒక్క కుటుంబానికి విజయాలు కలిగేలా దుర్గామాత దీవెనలు, ఆశీస్సులు ఉండాలని డాక్టర్ రమేష్ ఆకాంక్షించారు.లోక కంఠకుడైన మహిషాసురుడిని జగన్మాత సంహరించినందుకు, దుష్ట శక్తులపై దైవ శక్తుల విజయానికి ప్రతీకగా ఈ పండుగ జరుపుకుంటున్నామని అన్నారు.ప్రజలందరూ కుటుంబ సభ్యులతో ఆనందంగా పండుగను జరుపుకోవాలన్నారు. అందరూ ఆయురారోగ్యాలతో, సుఖ సంతోషాలతో బాగుండాలని కోరుకుంటున్నట్లు ఆయన తెలిపారు.
