వైభవంగా చెంచులక్ష్మి గూడెంలో అమ్మవార్ల జాతర
అమ్మవార్లకి బోనాలు సమర్పించి మొక్కులు చెల్లించుకున్న గిరిజనులు
ముఖ్య అతిథులుగా పాల్గొన్న ఎంపీపీ, అధికారులు, నాయకులు
స్టూడియో 10 టీవీ న్యూస్, ఆగస్టు 16, మహానంది:
మహానంది మండలం మహానంది గ్రామ సమీపంలోని చెంచులక్ష్మి గూడెంలో అమ్మవార్ల జాతరను వైభవంగా గిరిజనులు నిర్వహించారు. గిరిజనుల కులదేవతలైన సుంకులమ్మ, అల్లూరమ్మ, ధూమ్రాలమ్మ, అమ్మవార్ల జాతర మహోత్సవాలను నిర్వహించారు. అమ్మవారికి బోనాలను సమర్పించి మొక్కులు చెల్లించుకుని, సంబరాలు చేసుకున్నారు. మంగళవారం రాత్రి 10 గంటల నుండి బుధవారం ఉదయం వరకు ఉత్సవాలు ఎంతో ఘనంగా ఉత్సాహంగా జరిగాయి. గిరిజనుల ఆహ్వానం మేరకు ఈ ఉత్సవాలకు ముఖ్య అతిథిగా మండల అధ్యక్షురాలు బుడ్డారెడ్డి యశస్విని పాల్గొని అమ్మవార్లను దర్శించుకున్నారు. ఈమెతో పాటు మహానంది దేవస్థానం ట్రస్ట్ బోర్డు చైర్మన్ కొమ్మా మహేశ్వర్ రెడ్డి, మహానంది దేవస్థానం ధర్మకర్త గంగిశెట్టి మల్లికార్జునరావు, మండల వ్యవసాయ సలహా మండలి చైర్మన్ శవ్వ శరభా రెడ్డి, గాజులపల్లె వైసిపి నాయకులు కొండా మధుసూదన్ రెడ్డి, తదితరులు పాల్గొన్నారు.
