జోగులాంబ గద్వాల జిల్లా గద్వాల మండలం కొండపల్లి గ్రామానికి చెందిన ధర్మన్న రంగస్థల కళాకారులు ఆదివారం హైదరాబాదులో జరిగిన కార్యక్రమంలో ప్రొఫెసర్ కోదండరాం చేతుల మీదుగా బంగారు నంది అవార్డు అందుకున్నారు. హైదరాబాదుకు చెందిన జిసిఎస్ వల్లూరి ఫౌండేషన్ ఆధ్వర్యంలో బాగ్లింగంపల్లిలోని సుందరయ్య విజ్ఞాన మందిరంలో వల్లూరి ఫౌండేషన్ ఆధ్వర్యంలో ఏర్పాటుచేసిన అవార్డుల ప్రధానోత్సవ కార్యక్రమంలో గద్వాల మండలం కొండపల్లి గ్రామానికి చెందిన ధర్మన్న, రాముడు నాటక రంగానికి చేసిన సేవలకు గుర్తుగా వల్లూరి ఫౌండేషన్ వ్యవస్థాపకులు వీఆర్ శ్రీనివాసరాజు గుర్తించి సుందరయ్య విజ్ఞాన మందిరంలో అవార్డుల ప్రధానం సభ కార్యక్రమం ఏర్పాటు చేయగా టీజేఎస్ చైర్మన్ ప్రొఫెసర్ కోదండరాం ముఖ్య అతిథిగా హాజరై ధర్మన్న, రాముడు కు బంగారు నంది అవార్డు అందజేశారు. వారికి అవార్డు ఇవ్వడం పట్ల పలువురు హర్షం వ్యక్తం చేస్తున్నారు. భవిష్యత్తులో మరిన్ని అవార్డులు రావాలని వారు కోరుకున్నారు.
బంగారు నంది అవార్డు అందుకున్న కొండపల్లి కళాకారులు
