నల్లమల ఘాట్ లో చెట్టును ఢీకొన్న లారీ
డ్రైవర్, క్లీనర్ కు గాయాలు 108 వాహానంలో ఆస్పత్రికి తరలింపు
స్టూడియో 10 టీవీ న్యూస్, ఏప్రిల్ 24, మహానంది:
నల్లమల్ల ఘాట్ రోడ్డులో లారీ అదుపుతప్పి చెట్టును ఢీకొన్న సంఘటన సోమవారం ఉదయం చోటుచేసుకుందని అక్కడి స్థానికులు తెలిపారు.
నంద్యాల- గిద్దలూరు జాతీయ రహదారి పచ్చర్ల సమీపంలోని బేతంచెర్ల నుండి పౌడర్ లోడుతో విజయవాడకు వెళుతున్న లారీ డ్రైవర్ ప్రమాదవశాత్తు అదుపు చేయలేక చెట్టును ఢీకొన్నాడు.ఈ ప్రమాదంలో డ్రైవర్ నరసింహారెడ్డి, క్లీనర్ అలీ భాషకు కు గాయాలయ్యాయి. వెంటనే అక్కడి స్థానికులు మరియు వాహనదారులు 108 వాహనానికి సమాచారం ఇవ్వగా ఘటన స్థలానికి 108 వాహనం చేరుకొని గాయపడిన క్షతగాత్రులను నంద్యాల ప్రభుత్వాసుపత్రికి తరలించి చికిత్స అందిస్తున్నారు అని తెలిపారు. రోడ్డు భద్రత విభాగం పోలీసులు ఘటనా స్థలానికి చేరుకొని విచారణ చేపట్టారు.
