ఎంపీడీవో కార్యాలయంలో అంబేద్కర్ జయంతి వేడుకలు
స్టూడియో 10 టీవీ న్యూస్, ఏప్రిల్ 14, మహానంది:
మహానంది మండలం ఎంపీడీవో కార్యాలయంలో భారత రత్న రాజ్యాంగ నిర్మాత బాబాసాహెబ్ అంబేద్కర్ 132 వ జయంతి వేడుకలను ఎంపీడీవో శివ నాగజ్యోతి, జడ్పిటిసి కెవిఆర్ మహేశ్వర్ రెడ్డి ఆధ్వర్యంలో అంబేద్కర్ చిత్రపటానికి పూలమాలేసి శుక్రవారం నివాళులర్పించారు.ఈ సందర్భంగా ఎంపీడీవో మాట్లాడుతూ సమాజంలో పెరుగుపోయిన కుల,మత వివక్షత‌ల‌పై పోరాడి, బడుగు బలహీన వర్గాల అభ్యున్నతి కోసం పాటుపడిన మహామనిషి అంబేద్కర్ అన్నారు. అట్టడుగు వర్గాల అభివృద్ధి కోసం రాజ్యాంగంలో రిజర్వేషన్లు కల్పించార‌ని, సమాజంలో అందరూ సమానమేనని సమసమాజ స్థాపనకు కృషి చేశార‌ని,స‌మ‌న‌త్వం కోసం కృషి చేయడమేకాక రాజ్యాంగంలో పొందుపరిచి సమానత్వ హక్కును కూడా క‌ల్పించార‌న్నారు.ఈ కార్యక్రమంలో కార్యాలయ సిబ్బంది పాల్గొన్నారు.
