వైభవంగా శ్రీ వెంకటేశ్వర స్వామి వారి కళ్యాణోత్సవం
స్టూడియో 10 టీవీ న్యూస్, ఏప్రిల్ 07, మహానంది:
మహానంది మండలం గాజులపల్లె గ్రామంలోని కొలువైన శ్రీదేవి, భూదేవి సమేత శ్రీ వేంకటేశ్వర స్వామి వారి ప్రధమ వార్షికోత్సవం సందర్భంగా శుక్రవారం స్వామివారి కళ్యాణ మహోత్సవం అత్యంత వైభవంగా నిర్వహించారు. స్వామి వారికి సుప్రభాత సేవ, తీర్థ ప్రసాద గోష్టి, ద్వారతోరణ పూజ, మహా కుంభారాధన, అభిషేకాలు చేశారు. అనంతరం ఆలయ ప్రాంగణంలో శ్రీ వేంకటేశ్వర స్వామి కళ్యాణోత్సవాన్ని ఆలయ ప్రధాన అర్చకులు భాను ప్రసాద్ చార్యులు,రంగాచార్యులు మంత్చోచ్ఛారణల మధ్య కన్నుల పండువగా నిర్వహించారు. గ్రామంలోని ప్రజలు, భక్తులు హాజరై స్వామి వారిని దర్శించుకుని మొక్కులు చెల్లించుకున్నారు. గ్రామ ప్రజలు భక్తిశ్రద్ధలతో స్వామి వారి కళ్యాణం మహోత్సవంలో పాల్గొన్నారు. కళ్యాణోత్సవం అనతరం ఆలయ కమిటీ సభ్యులు, శ్రీ సేవా సమితి సభ్యులు భక్తులకు అన్నదానం కార్యక్రమాన్ని నిర్వహించారు.రాత్రి చెక్కభజన కార్యక్రమం నిర్వహించారు.
