*కష్టపడి కాకుండా ఇష్టపడి చదవాలి…..
* విద్యార్థులకు ఎగ్జామ్ ప్యాడ్స్ పంపిణీ
:సర్పంచ్ జయ దయాకర్
ప్రజా పక్షం / మర్పల్లి: కష్టపడి కాకుండా ఇష్టపడి చదవాలని సర్పంచ్ జయ దయాకర్ అన్నారు. శుక్రవారం బూచన్పల్లి జడ్పీహెచ్ఎస్ పాఠశాలలో చదువుతున్న పదో తరగతి విద్యార్థులకు చేవెళ్ల ఎంపీ డాక్టర్ రంజిత్ రెడ్డి ఆర్ ఆర్ ఫౌండేషన్ సహకారంతో సర్పంచ్ జయ దయాకర్ ఆధ్వర్యంలో విద్యార్థులకు ప్యాడ్స్ పంపిణీ చేశారు. ఈ సందర్భంగా వారు మాట్లాడుతూ. మంచిగా చదువుకొని మంచి ఫలితాలు తెచ్చుకొని తల్లిదండ్రులకు ఉపాధ్యాయులకు మంచి గుర్తింపును తీసుకురావాలన్నారు. గొప్పగా చదివి ఉన్నత స్థానంలో స్థిరపడాలని విద్యార్థులకు ఆల్ ద బెస్ట్ తెలియజేశారు. పదవ తరగతి చదువుతున్న విద్యార్థులకు ఎగ్జామ్ ప్యాడ్స్ పంపిణీ చేసిన ఎంపీ రంజిత్ రెడ్డి కి కృతజ్ఞతలు తెలియజేశారు. ఈ కార్యక్రమంలో ఉపాధ్యాయులు, మధుసూదన్ చారి, ప్రేమ్ కుమార్ గౌడ్, శ్రీనివాస్, ఆకుల యాదగిరి, చెన్నారెడ్డి, ఖలీల్, ఆకాష్, రమేష్, నర్సింలు, తదితరులు పాల్గొన్నారు.
