కల్యాణం కమనీయం
పరమేశ్వరుని గుట్టలో పార్వతి పరమేశ్వరుని కల్యాణం
వికారాబాద్ మండల పరిధిలోని పులుసుమామిడి గ్రామంలోని పరమేశ్వరుని గుట్టలో శ్రీ పార్వతి పరమేశ్వరుని కల్యాణం కన్నుల పండువగా ఆదివారం జరిగింది. ప్రతి సంవత్సరం మాదిరిగానే ఈ శివరాత్రి సందర్భంగా పూజారులు కల్యాణం జరిపించారు. సర్పంచ్ కమాల్ రెడ్డి, ఎంపీపీ కామిడి చంద్రకళ కమాల్ రెడ్డి ఆధ్వర్యంలో జరిగింది. వికారాబాద్ ఎమ్మెల్యే మెతుకు ఆనంద్ పార్వతి పరమేశ్వరునికి పట్టు బట్టలు సమర్పించారు. పరమశివుని అనుగ్రహంతో ప్రజలందరు క్షేమంగా ఉండాలని కోరారు. ఈ కల్యాణ మహోత్సవంలో పార్టీ నాయకులు, భక్తులు, ప్రజలు, తదితరులు పాల్గొన్నారు.
