అప్పుల బాధతో యువరైతు ఆత్మహత్య
-యాలాల మండలం బండమీదిపల్లిలో ఘటన
-పొలంలో చెట్టుకు ఉరివేసుకున్న రైతు
-పొలంలోనే వేరుశనగ కళ్ళం ఉండగా ఘటన
యాలాల : వికారాబాద్ జిల్లా యాలాల మండలం, బండమీదిపల్లి గ్రామంలో బొల్లే అంజిలయ్య(35) పొలంలో సోమవారం రాత్రి ఉరివేసుకొని ఆత్మహత్య చేసుకున్నాడు. ఈ రబీలో 3 ఎకరాల్లో వేరుశనగ పంట సాగు చేసాడు. రెండు రోజుల కిందటే పంట కోసి కళ్ళం కూడా వేశాడు. రాత్రి భార్య పర్వతమ్మతో కలిసి పొలంలోనే ఉన్నారు. దిగుబడి రాకపోవడంతో రాత్రి 2 గంటలకు పొలంలో చెట్టుకు ఉరివేసుకొని ప్రాణాలు వదిలాడు. సుమారు రూ.7 లక్షల వరకు అప్పులు ఉన్నట్లు భార్య పార్వతమ్మ తెలిపారు. పోలీసులు కేసు దర్యాప్తు చేస్తున్నారు.
