అంగ రంగ వైభవంగా మన్యంకొండ శ్రీలక్ష్మీ వేంకటేశ్వరస్వామి బ్రహ్మోత్సవాలు
తెలంగాణ తిరుపతిగా ప్రఖ్యాతి గాంచిన మహబూబ్‌నగర్‌ జిల్లాలోని మన్యంకొండ శ్రీలక్ష్మీ వేంకటేశ్వర స్వామి బ్రహ్మోత్సవాల్లో భాగంగా కొండపై నుంచి స్వామి వారిని మంగళ వాయిద్యాల నడుమ పల్లకి సేవ నిర్వహిస్తూ గరుడ వాహనంలో భక్తుల మధ్యకు తీసురాగా… ఈ వేడుకలకు మంత్రి శ్రీనివాస్ గౌడ్ హాజరై స్వామి వారిని దర్శించుకొని ప్రత్యేక పూజలు నిర్వహించి స్వామి వారికి హారతినిచ్చారు. అనంతరం స్వామివారి రథోత్సవంలో పాల్గొన్నారు.
మన్యంకొండ గిరులు మొత్తం గోవింద నామస్మరణతో మార్మోగాయి. జిల్లా నలుమూలల నుంచే కాకుండా ఇతర రాష్టాల నుంచి వేలాదిగా తరలి వచ్చిన భక్తులు స్వామి వారిని దర్శించుకుని తమ మొక్కులు చెల్లించుకున్నారు.
