జగనన్న గృహ నిర్మాణాలు వేగవంతం చేయాలి
-ఎంపీడీవో శివ నాగజ్యోతి
స్టూడియో 10 టీవీ న్యూస్, ఫిబ్రవరి 04, మహానంది:
జగనన్న గృహ లబ్ధిదారులు నిర్మాణాలను వేగవంతం చేయాలని ఎంపీడీవో శివ నాగజ్యోతి పేర్కొన్నారు.శనివారం మహానంది మండలం సీతారామపురం గ్రామపంచాయతీ పరిధిలోని జగనన్న కాలనీ ఇళ్ల నిర్మాణాలను ఎంపీడీవో, హౌసింగ్ ఏఈ వాసుదేవుడు సందర్శించారు. అనంతరం సచివాలయ సిబ్బంది వాలంటీర్లతో సమీక్ష సమావేశం నిర్వహించి,ఇళ్ల నిర్మాణాలు వేగవంతం చేయాలని సచివాలయ సిబ్బందికి ఆమె ఆదేశించారు.ఈ సందర్భంగా ఎంపీడీవో మాట్లాడుతూ రాష్ట్ర ముఖ్యమంత్రి వైయస్ జగన్మోహన్ రెడ్డి మహా సంకల్పంతో పేదవారికి సొంత ఇంటి కల నెరవేర్చాలని, స్థలం ఇచ్చి ఇంటి నిర్మాణం కోసం ఆర్థిక సాయం చేస్తున్నారని, అందుకు లబ్ధిదారులు గృహ నిర్మాణాలను వేగవంతం చేయాలని అన్నారు.
