రాష్ట్రస్థాయి క్రీడా పోటీలకు గిరిజన ఆశ్రమ పాఠశాల విద్యార్థుల ఎంపిక
స్టూడియో 10 టీవీ న్యూస్, డిసెంబర్ 01, మహానంది:
మహానందిలోని గిరిజన ఆశ్రమ పాఠశాల విద్యార్థులు రాష్ట్రస్థాయికి క్రీడా పోటీలకు ఎంపికైనట్లు ప్రధాన ఉపాధ్యాయురాలు అంబమ్మ గురువారం తెలిపారు. హ్యాండ్ బాల్ పోటీలకు అండర్ 14 విభాగంలో 8వ తరగతి విద్యార్థి హరిప్రసాద్, 6వ తరగతి విద్యార్థి కార్తిక్, అండర్ 17 విభాగంలో 9వ తరగతి విద్యార్థి ఈదన్న, 10వ తరగతి విద్యార్థి సుమంత్ ఎంపికయ్యారు అన్నారు. ఇటీవల నంద్యాలలో జరిగిన పోటీలలో ప్రతిభ కనబరిచి రాష్ట్ర స్థాయికి ఎంపికయ్యారు అని తెలియజేశారు.
