రైతు భరోసా కేంద్రాలు తనిఖీ
స్టూడియో 10 టీవీ న్యూస్, నవంబర్ 24, మహానంది:
మహానంది మండల పరిధిలోని బుక్కాపురం, మహానంది గ్రామాల్లోని రైతు భరోసా కేంద్రాలను నంద్యాల జిల్లా వ్యవసాయ శాఖ అధికారి టి. మోహన్ రావు గురువారం ఆకస్మికంగా తనిఖీ చేశారు. రైతు భరోసా కేంద్రంలోని పలు రికార్డులను పరిశీలించారు. ఖరీఫ్ 2022 ఈ క్రాప్ బుకింగ్ ధ్రువీకరణ పత్రాలను రైతులకు అందజేశారు. అనంతరం పొలంబడి కార్యక్రమం ఏ విధంగా జరుగుతున్నది అనేది పరిశీలనలో భాగంగా రైతులు పంటలకు ఫెర్టిలైజర్లు ఎంత మోతాదులో వాడాలో ఏ విధంగా వాడాలో తెలియజేశారు.ఈ కార్యక్రమంలో ఏఎస్ఓ మురళీధర్, ఏఈఓ శ్రీనివాసులురెడ్డి, విఏఏలు మధు, వసుంధర, రైతులు శంకర్, స్వామి రెడ్డి, కాశయ్య, తదితరులు పాల్గొన్నారు.
