పత్తి పంట నష్టంతో రైతు ఆవేదన
స్టూడియో 10 టీవీ న్యూస్, నవంబర్ 10, మహానంది:
మహానంది మండలం గోపవరం గ్రామంలోని రైతు మాదిగ పుల్లయ్య సర్వేనెంబర్ 675/D4 గల రెండు ఎకరాల్లో పత్తి పంట వేశారు.ఎంతో కష్టపడి పండించిన చివరకు వర్షార్పణం అవ్వడం జరిగిందని రైతు వాపోతున్నాడు.ఇటీవల కురిసిన భారీ వర్షాలకు పొలంలోనే పత్తి పంట పాడవడంతో రైతు ఆశలు వదులుకున్నాడు.పొలంలో తడి ఆరక మొక్కలు వాలిపోయి,పూత పిందె దెబ్బతిని రాలిపోయాయి. అరవై వేలు నష్టం వాటిల్లిందని ఇంకా చేసేదేమీ లేక రెండు ఎకరాల్లో పాడైనా పత్తి పంటను గురువారం తొలగించారు.మండల అధికారులు స్పందించి నష్టపోయిన రైతును ప్రభుత్వం ఆదుకునేలా చర్యలు తీసుకోవాలని రైతు కోరుతున్నాడు.
