కాంట్రాక్ట్ ఉద్యోగి పై వే టు
స్టూడియో 10 టీవీ న్యూస్, అక్టోబర్ 22, మహానంది:
మహానంది క్షేత్రంలో పనిచేసే ఓ కాంటాక్ట్ ఉద్యోగిపై వేటు వేసినట్లు సమాచారం. మహానంది క్షేత్రం లో దసరా శరన్నవరాత్రి ఉత్సవాల్లో భాగంగా ఆలయానికి మరియు ఆలయం చుట్టూ ప్రాకారం కి విద్యుత్ అలంకరణ చేయడం జరిగింది.ఉత్సవాల చివరి రోజున విద్యుత్ అలంకరణ కు సంబంధించి కొంత సామాగ్రి కనిపించడం లేదని విద్యుత్ అలంకరణ నిర్వహించినవారు దేవస్థానం అధికారులకు ఫిర్యాదు చేసినట్లు ఆలస్యంగా వెలుగులోకి వచ్చింది. కాపలాగా ఉండాల్సిన వ్యక్తి పై అనుమానం రావడంతో ఆలయ అధికారులకు ఫిర్యాదు చేసినట్లు తెలుస్తుంది.ఈ విషయాన్ని ఆలయ అధికారులు గోప్యంగా ఉంచినట్లు ఆరోపణలు వినవస్తున్నాయి.ఈ విషయంపై పలు ఆరోపణలు రావడంతో విచారణ చేపట్టినట్లు తెలుస్తోంది. మహానంది దేవస్థానం ఈవో కాపు చంద్రశేఖర్ రెడ్డి దీనిపై మాట్లాడుతూ.. కొంత సామాగ్రి కనిపించలేదని ఫిర్యాదు అందినది వాస్తవమేనన్నారు. ఫిర్యాదు చేసిన వ్యక్తి మరియు ఆరోపణలు ఎదుర్కొంటున్న వ్యక్తిని విచారించగా పొంతనలేని సమాధానం చెబుతున్నట్లు తెలిపారు. ఆరోపణలు ఎదుర్కొంటున్న వ్యక్తిని విధులకు దూరంగా ఉంచినట్టు పేర్కొన్నారు .
