ద్విచక్ర వాహనం అదుపుతప్పి ఇద్దరికి గాయాలు
స్టూడియో 10 టీవీ న్యూస్, అక్టోబర్ 19, మహానంది:
మహానంది మండలం గాజులపల్లి గ్రామంలోని నంద్యాల – గిద్దలూరు జాతీయ రహదారి తెలుగు గంగా కాలువ సమీపంలో ద్విచక్ర వాహనం అదుపుతప్పి బోల్తాపడిన ఘటన బుధవారం చోటుచేసుకుంది. ఈ ప్రమాదంలో ఆర్ఎస్ గాజులపల్లి గ్రామానికి చెందిన శ్రీను రంగడుకు తీవ్ర గాయాలు అయ్యాయి. వెంటనే అక్కడికి మహానంది రోడ్ సేఫ్టీ పోలీస్ సిబ్బంది చేరుకొని 108 వాహనానికి సమాచారం ఇవ్వడంతో వారు అక్కడికి చేరుకొని గాయపడిన వారిని చికిత్స నిమిత్తం నంద్యాల ప్రభుత్వాసుపత్రికి తరలించారు. శ్రీను అనే యువకుడు తన తండ్రి వెంకటేశ్వర్లు శ్రీ సర్వ నరసింహ స్వామి గుడిలో వాచ్ మాన్ గా విధులు నిర్వహిస్తున్నాడు. అతని వద్దకు వెళ్తున్న సమయంలో ఈ ప్రమాదం చోటుచేసుకుందని అక్కడి స్థానికులు తెలిపారు.ఈ విషయంపై ఎస్ఐ నాగార్జున రెడ్డికి సమాచారం తెలియజేయడంతో విచారణ చేపట్టారు.
