రెండు ద్విచక్ర వాహనాలు ఢీకొని నలుగురికి గాయాలు
స్టూడియో 10 టీవీ న్యూస్, అక్టోబర్ 14, మహానంది:
మహానంది పరిధిలోని శ్రీనగరం గ్రామ సమీపంలోని జమలయ్య దర్గా మలపు వద్ద రెండు ద్విచక్ర వాహనాలు ఢీకొన్న సంఘటన శనివారం చోటుచేసుకుంది. ఈ ప్రమాదంలో నలుగురికి గాయాలు అయ్యాయి. అబ్బిపురం గ్రామానికి చెందిన ప్రసాద్ తమ్మడపల్లె గ్రామానికి చెందిన దంపతులు వెంకట నరసమ్మ, చిన్న స్వాములుగా గుర్తించారు. విషయం తెలుసుకున్న ఎస్ఐ నాగార్జున రెడ్డి సంఘటన స్థలానికి చేరుకొని తీవ్ర గాయాలైన ప్రసాద్ ని మెరుగైన వైద్యం కోసం నంద్యాల ప్రభుత్వా ఆసుపత్రికి తరలించి మిగతా వారిని సమీపంలోని ప్రైవేటు వైద్యశాలకు తరలించి కేసు నమోదు చేసి విచారణ చేపట్టారు.ఈ సందర్భంగా అక్కడి స్థానికులు మాట్లాడుతూ రహదారి వెంబడి పిచ్చి చెట్లు ఏపుగా పెరిగి మలుపు కూడలి వద్ద రహదారి కనబడక ఈ ప్రమాదాలు చోటు చేసుకుంటున్నాయని అక్కడి స్థానికులు తెలిపారు. సంబంధిత ఆర్ అండ్ బి అధికారులు స్పందించి రహదారి వెంట ఏపూగా పెరిగిన పిచ్చి మొక్కలను తొలగించి రోడ్డు ప్రమాదాలు జరగకుండా చర్యలు తీసుకోవాలని కోరుతున్నారు.
