రేషన్ దుకాణాలకు బియ్యం రాక ఇక్కట్లు

మల్దకల్: ప్రతి నెల 1వ తేదీ నుంచి పదవ తేదీ వరకు రేషన్ దుకాణాలలో ప్రజలకు రేషన్ బియ్యం ఇవ్వాల్సి ఉండగా నేటి వరకు బియ్యం రాకపోవడంతో ప్రజలు ఎదురుచూస్తున్నారు.మల్దకల్ మండల కేంద్రంలోని నాలుగు రేషన్ దుకాణాలకు బియ్యం రాకపోవడంతో ప్రజలు డీలర్ల ఇంటిచుట్టూ తిరిగి వెళ్ళిపోతున్నారు.అయిజ సివిల్ సప్లై గోదాం నుంచి ప్రతినెల రేషన్ బియ్యం సరఫరా అవుతున్నాయి. గోదాం అధికారులు నిర్లక్ష్యం కారణంగా ప్రతినెల బియ్యము పంపిణీ చేయడంలో నిర్లక్ష్యం వహించడం వల్ల డీలర్లు తీవ్ర ఇబ్బందులు గురవుతున్నారు. కుర్తి రావులచెరువు, పెద్దోడ్డి రేషన్ దుకాణాలకు బియ్యము సరఫరా కాలేదు, ప్రతి నెల కొన్ని గ్రామాలకు బియ్యం గోదాము నుంచి సరఫరా చేయడంలో జాప్యం వలన ప్రజలు ఇబ్బందులు ఎదుర్కొంటున్నారు.పదో తేదీ వచ్చిన కూడా రేషన్ బియ్యం సరఫరా కాలేదు, ఇప్పటికైనా అధికారులు స్పందించి వెంటనే పై గ్రామాలకు రేషన్ బియ్యం సరఫరా చేయు విధంగా చర్యలు తీసుకోవాల్సిన అవసరం ఎంతైనా ఉందన్నారు.