అంబేద్కర్ ఆశయ సాధనకు కృషి చేస్తా
మహనీయుల అడుగుజాడల్లో నడిచి వారి ఆశయ సాధనకు కృషి చేయాలని బీఎస్ఏ జాతీయ అధ్యక్షుడు,అవార్డు సెలక్షన్ నేషనల్ కమిటీ ఛైర్మన్ నల్లా రాధాకృష్ణ అన్నారు. చేవెళ్ల మండల పరిధిలోని ఇబ్రహీంపల్లి గ్రామానికి చెందిన ఎ. ప్రదీప్ డాక్టర్ బీఆర్ అంబేద్కర్ నేషనల్ అవార్డుకు ఎంపికయ్యారు. ఆదివారం నగరంలో అవార్డు నేషనల్ కమిటీ ఛైర్మన్ చేతుల మీదుగా అవార్డు అందుకున్నారు. ఈ సందర్భంగా అవార్డు గ్రహీత ఎ. ప్రదీప్ మాట్లాడుతూ…అనగారిన వర్గాల అభ్యున్నతి కోసం పాటుపడిన మహనీయులు అంబేద్కర్ అని, రాజ్యాంగంలో అన్ని వర్గాల ప్రజలకు హక్కులు కల్పించిన ఘనత అంబేద్కర్‌కే దక్కిందన్నారు. డాక్టర్ బీఆర్ అంబేద్కర్ నేషనల్ అవార్డు రావడానికి కృషి చేసిన పెద్దలకు రుణపడి ఉంటానని, వారి నమ్మకాలను వమ్ము చేయకుండా అంబేద్కర్ ఆశయ సాధనకు కృషి చేస్తానని చెప్పారు. ఈ అవార్డు రావడం చాలా సంతోషంగా ఉందని, దళితులను అన్ని రంగ4 అభివృద్ధి చేసేందుకు తనవంతు సహకారం అందిస్తానని వెల్లడించారు. ప్రదీప్ కు అవార్డు రావడం చేవెళ్ల సహకార సంఘం డైరెక్టర్ ఫైండ్ల మధుసూదన్ రెడ్డి అభినందించారు.
