గోల్పర్తి మత్స్యశాఖ సొసైటీ అధ్యక్షులుగా తొంటవాలి యాదగిరి

రామాయంపేట (స్టూడియో10 టీవీ ప్రతినిధి) జూన్ 20:- మెదక్ జిల్లా రామాయంపేట మున్సిపాలిటీ పరిధిలోని గోల్పర్తి గ్రామంలో గురువారం రోజు మత్స్యశాఖ సొసైటీ సంఘం సభ్యుల ఆధ్వర్యంలో ఓటింగ్ ఎన్నికలు నిర్వహించారు. మత్స్యశాఖ సొసైటీ నూతన అధ్యక్షులుగా ఎన్నికైన తొంటవాలి యాదగిరి మాట్లాడుతూ.. మత్స్యశాఖ సొసైటీ సభ్యులు 121మంది ఓటింగ్ లో ఉండగా అందులో ఐదుగురు పోటీ చేయడం జరిగిందన్నారు. అందులో 59 ఓట్ల మెజారిటీతో తాను గెలుపొందినట్లు ఆయన తెలిపారు. ఈ సందర్భంగా గోల్పర్తి మత్స్యశాఖ సొసైటీ సంఘం సభ్యులకు ఆయన ప్రత్యేక కృతజ్ఞతలు తెలిపారు.