రామాయంపేట మండల వ్యాప్తంగా కొనసాగుతున్న పోలింగ్

పోలింగ్ కేంద్రాల వద్ద పోలీసులు భారీ బందోబస్తు ఏర్పాటు,,,,

రామాయంపేట (స్టూడియో 10 టీవీ ప్రతినిధి) మే 13:- మెదక్ జిల్లా రామాయంపేట మున్సిపాలిటీ పట్టణంలో సార్వత్రిక పార్లమెంటు ఎన్నికల సందర్భంగా అధికారులు ఏర్పాటు చేసిన పోలింగ్ కేంద్రాల వద్ద సోమవారం రోజు ఉదయం 7 గంటల నుండి పోలింగ్ ప్రారంభమైంది.ఈ పోలింగ్ కేంద్రాల వద్దకు పురుషులు,మహిళ ఓటర్లు పెద్ద సంఖ్యలో బారులు తీరి భారీ సంఖ్యలో తమ ఓటు హక్కును వినియోగించుకుంటున్నారు.అదే విధంగా మండలంలోని వివిధ గ్రామాల్లో ఏర్పాటు చేసిన పోలింగ్ కేంద్రాలలో ఓటర్లు తమ ఓటును స్వేచ్ఛగా వేస్తున్నారు.ఈ ఎన్నికల సందర్భంగా పోలింగ్ కేంద్రాల వద్ద ఎలాంటి అవాంఛనీయ సంఘటన జరగకుండా జిల్లా ఎస్పీ బాలస్వామి ఆదేశాల మేరకు రామాయంపేట మండలంలో రామాయంపేట సిఐ వెంకటేష్ ఎస్ఐ రంజిత్ కుమార్ ఆధ్వర్యంలో పోలీసులు భారీ బందోబస్తు ఏర్పాటు చేశారు.