రెండు ద్విచక్ర వాహనాలు డి ఒకరు మృతినార్సింగి రిపోర్టర్

నార్సింగి : ఎదురు ఎదురుగా వస్తున్న రెండు ద్విచక్ర వాహనాలు ఢీ కొని ఒక వ్యక్తి మృతి మరో వ్యక్తికి తీవ్ర గాయాలైన సంఘటన మండల కేంద్ర పరిధిలోని జాతీయ రహదారి 44 పై కట్ట మైసమ్మ వద్ద చోటు చేసుకుంది. నార్సింగి పోలీసులు తెలిపిన వివరాల ప్రకారం బాలాజీనగర్ దౌలతాబాద్ మండలం సిద్దిపేట జిల్లా కి చెందిన మడూరి రమేష్ (50) తండ్రి మల్లయ్య టిప్పర్ డ్రైవర్ గా పని చేస్తున్నాడు. ఈ నెల 11 న సాయంత్రం మిర్జాపల్లి లో పనులు ముగించుకుని తన స్వగ్రామానికి బయలు దేరాడు. మార్గ మధ్యంలో నార్సింగి మండల కేంద్రం లో జాతీయ రహదారి పై కట్ట మైసమ్మ వద్దకు చేరుకోగానే నార్సింగి పట్టణ కేంద్రానికి చెందిన మియాపురం లక్ష్మీనారాయణ (58) తండ్రి గోపయ్య వృత్తి మంగలి రాంగ్ రూట్లో తన టీవీయస్ ఎక్సెల్ బండి ని అజాగ్రత్తగా నడుపుతూ వచ్చి రమేష్ ను ఢీ కొట్టాడు. బలంగా ఢీ కొట్టడంతో ఇద్దరు వాహన దారులు రోడ్డు పై పడి ఇరువురికి గాయాలయ్యాయి. రమేష్ కు ఎడమ చెంప కు, కుడి భుజానికి, ఎడమ మోకాలు కు, కుడి పాదానికి రక్త గాయాలయ్యాయి. లక్ష్మీనారాయణ కు తలకు, ఎడమ కాలుకు తీవ్ర గాయాలు కాగా, ఇరువురికి పోలీసులు చికిత్స కోసం రామాయంపేట ఏరియా ఆస్పత్రికి కు తరలించారు. లక్ష్మీనారాయణ పరిస్థితి విషమంగా ఉండడంతో తో అక్కడి వైద్యులు హైదరాబాదు లోని గాంధీ ఆసుపత్రికి తీసుకుని వెళ్ళాలని సూచించారు. గాంధీ ఆసుపత్రికి తరలిస్తుండగా లక్ష్మీనారాయణ మార్గ మధ్యం లోనే మృతి చెందగా, మృత దేహాన్ని రామాయంపేట ఆసుపత్రికి పోస్టుమార్టం కొరకు తరలించారు. నార్సింగి పోలీసులు కేసు నమోదు చేసుకుని దర్యాప్తు చేస్తున్నారు.