గుర్తుతెలియని వాహనం ఢీకొని యువకుడు మృతి
చేవెళ్ల: గుర్తుతెలియని వాహనం ఢీకొని ఓ వ్యక్తి మృతి చెందిన సంఘటన బీజాపూర్ రహదారిపై మీర్జాగూడ సమీపంలో బుధవారం రాత్రి చోటుచేసుకుంది. శంకర్‌‌పల్లి మండలం కొత్తపల్లి గ్రామానికి చెందిన ఆలూరి వినయ్ కుమార్ (24) చేవెళ్లలోని ఓ మెడికల్ షాప్‌‌లో అసిస్టెంట్ గా పనిచేస్తున్నారు. మధ్యాహ్నం వరకు మెడికల్ దుకాణంలో పనిచేసిన అతడు పని మీద బయటకు వెళ్తున్నాను అని చెప్పి వెళ్ళాడు. రాత్రి 7:30 గంటల ప్రాంతంలో బైక్ పై వెళుతుండగా మిర్జాగూడ సమీపంలోని మలుపు వద్ద గుర్తుతెలియని వాహనం ఢీకొనడంతో మృతి చెందాడు. మృతునికి భార్య, ఇద్దరు పిల్లలు ఉన్నారు. మృతదేహాన్ని పంచనామా నిమిత్తం చేవెళ్ల ప్రభుత్వాసుపత్రికి తరలించినట్లు పోలీసులు తెలిపారు.
