బాబు జగ్జివన్ రామ్ సేవలు చిరస్మరణీయమని చేవెళ్ల సహకార సంఘం చైర్మన్ దేవర వెంకట్ రెడ్డి అన్నారు.బాబు జగ్జివన్ రామ్ జయంతి సందర్భంగా శుక్రవారం చేవెళ్లలో జగ్జివన్ రామ్ విగ్రహానికి పూలమాలలు వేసి నివాళులర్పించారు. ఈ సందర్భంగా ఆయన మాట్లాడుతూ…పేద ప్రజల కోసం, బడుగు బలహీన వర్గాల అభ్యున్నతికి కోసం జీవితాన్ని అంకితం చేసిన మహానుభావుడని కొనియాడారు. దళితుల అభ్యున్నతికి బాబు జగ్జీవన్ రామ్ ఎనలేని కృషి చేశారని గుర్తు చేశారు. ఆయన ఆశయ సాధన కోసం ప్రతి ఒక్కరూ కృషి చేయాలని సూచించారు. ఈ కార్యక్రమంలో మాజీ ఉప సర్పంచులు టేకులపల్లి శ్రీనివాస్, గంగి యాదయ్య, మాజీ వార్డు సభ్యులు మల్గారి మల్లారెడ్డి, నాయకులు ప్రభులింగం, వెంకట్ రెడ్డి తదితరులు ఉన్నారు.
బాబు జగ్జివన్ రామ్ సేవలు చిరస్మరణీయం – సొసైటీ చైర్మన్ దేవర వెంకట్ రెడ్డి
