Reporter -Silver Rajesh Medak.
తేదీ:11.12.2023
మెదక్ పట్టణంలోని అయ్యప్పదేవాలయంలో, అయ్యప్ప మాల ధారణ స్వాములకు మండల కాలం(41 రోజులు) పాటు నిత్యఅన్నదాన మరియు అల్పాహారం కార్యక్రమం నిర్వహిస్తున్న ,దాత ఎమ్మెల్సీ శేరి సుభాష్ రెడ్డి గారు ఈరోజు (సోమవారం) మధ్యాహ్నం అయ్యప్ప ఆలయాన్ని సందర్శించి, అయ్యప్ప స్వాములకు అన్నదానం చేసి పాదాభివందనం చేశారు. ఈ సందర్భంగా ఎమ్మెల్సీ గారితో ఆలయ అర్చకులు స్వామి వారికి ప్రత్యేక పూజలు చేయించారు. అనంతరం నిత్యాన్నదాన మరియు నిత్య అల్పాహార సంబంధిత రుసుమును నిర్వాహకులకు ఎమ్మెల్సీ గారు అందజేశారు. మరియు అందరు స్వాములకు దక్షిణ అందజేసి పాదాభివందనం చేశారు. ఆలయ కమిటీ నాయకులు మరియు నిర్వాహకులు ఎమ్మెల్సీ గారిని శాలువా కప్పి సన్మానించారు. ఈ కార్యక్రమంలో ఎమ్మెల్సీ గారితో పాటు సర్పంచులు దేవా గౌడ్, మహిపాల్ రెడ్డి, యామి రెడ్డి, సాయా గౌడ్, శ్రీను నాయక్, ఎంపీటీసీ సిద్దిరెడ్డి, ఏఎంసీ వైస్ చైర్మన్ పురం వెంకట నారాయణ, ఏఎంసీ డైరెక్టర్ కొండా శ్రీను, తదితరులు ఉన్నారు.
