-గుండెపోటుతో మృతి చెందిన పరుచూరి వెంకట్రావు
ఘంటసాల మండలం తాడేపల్లి గ్రామానికి చెందిన పరుచూరి సుభాష్ చంద్రబోస్ సోదరుడు పరుచూరి వెంకట్రావు (64) గురువారం రాత్రి గుండెపోటుతో హైదరాబాదులో మృతి చెందారు.
ప్రస్తుతం హైదరాబాదులోని వనస్థలిపురంలో నివాసముంటున్న ఆయన ఆకస్మికంగా గుండెపోటు రావడంతో మృతి చెందారు.
ఈయనకు భార్య, ఇద్దరు కుమారులు ఉన్నారు. ఒక కుమారుడు అమెరికాలో, మరో కుమారుడు న్యూజిలాండ్ లో ఉంటున్నారు.
గురువారం ఉదయం వరకు ఘంటసాల మండలం తాడేపల్లి లో ఉన్న పరుచూరి సుభాష్ చంద్రబోస్ సోదరుడు గుండెపోటుతో మృతిచెందాడన్న వార్త తెలియంగానే హుటాహుటిన హైదరాబాద్ బయలుదేరి వెళ్లారు.
పరుచూరి వెంకట్రావు మృతితో ఆ కుటుంబంలో విషాద ఛాయలు నెలకొన్నాయి.
హైదరాబాద్ కు చెందిన పలువురు ప్రముఖులు, కుటుంబ సభ్యులు, పలు రాజకీయ పార్టీల నాయకులు పార్థివ దేహాన్ని సందర్శించి నివాళులర్పించారు.
