వరి, అరటి, కాయగూర పంట పొలాలపై ఏనుగుల దాడి

*పంట పొలాలపై ఏనుగుల దాడి..!*

– వరి, అరటి, కాయగూర పంటలు ధ్వంసం

– ఘటనా స్థలానికి తరలి వచ్చిన అటవీశాఖ సిబ్బంది

పాకాల( స్టూడియో 10 న్యూస్ )
పాకాల మండలం ఇ.పాలగుట్టపల్లి పంచాయతీ పరిధిలో గురువారం రాత్రి ఏనుగుల గుంపు పంట పొలాలను ధ్వంసం చేశాయి. అప్రమత్తమైన రైతులు అరుపులు, కేకలు, పెద్ద పెద్ద శబ్దాలతో అడవిలోకి దారి మళ్లించారు. సమాచారం తెలుసుకున్న అటవీ శాఖ అధికారులు ఘటనా స్థలానికి చేరుకుని బాధిత రైతుల ద్వారా ఏనుగుల కదలికలను తెలుసుకున్నారు. ఆ తర్వాత పంట నష్టం అంచనా వేశారు. అనంతరం రైతులతో పాటు నష్టం జరిగిన పంట సాగు వివరాలను నమోదు చేసుకుని వెళ్లారు.

*ఆ ముగ్గురు రైతులకు తీరని నష్టం*

ఏనుగుల దాడిలో వెంకట రామాపురంకు చెందిన బాలరాజు నాయుడు, పాలగుట్ట పల్లికి చెందిన రఘునాథరెడ్డి, గురప్ప నాయుడులు సాగు చేసిన వరి, టమోటా, అరటి పంటల ను పూర్తిగా ధ్వంసం చేయడం తో తీవ్రంగా నష్టపోయామని అటవీ అధికారులకు విజ్ఞప్తి చేశారు.