పాపులేషన్ ఎడ్యుకేషన్ సెల్ ఎస్సిఆర్టీ ఆదేశానుసారం జిల్లా విద్యాశాఖ సెక్టోరియల్ అధికారి సతీష్ కుమార్ ఆధ్వర్యంలో జానపద నృత్య పోటీలు కేజిబివి మెదక్ లో జరిగాయి. ఈ పోటీలలో వివిధ మండలాల నుండి విద్యార్థులు పాల్గొన్నారు.ముగింపు కార్యక్రమానికి జిల్లా విద్యాధికారి రాధా కిషన్ హాజరై గెలుపొందిన విజేతలకు బహుమతులు అందించారు. ఈ పోటీలలో ప్రథమ స్థానం జిల్లా పరిషత్ ఉన్నత పాఠశాల చేగుంట, ద్వితీయ స్థానం కెజిబివి అల్లా దుర్గ్ ,తృతీయ స్థానం కెజిబివి మెదక్ విద్యార్థులు సాధించారు.
ఈ పోటీల్లో ప్రథమ స్థానం పొందిన చేగుంట విద్యార్థులు ఈ నెల పదవ తేదీ నాడు హైదరాబాద్ లో జరిగే రాష్ట్ర స్థాయి పోటీలలో పాల్గొననున్నారు. ఈ కార్యక్రమంలో ఆకాడమిక్ అధికారి సుదర్శన మూర్తి , మండల విద్యాధికారి నీలకంఠం , కెజిబివి ఎస్వో కవిత పాల్గొన్నారు. ఈ పోటీలకు న్యాయ నిర్ణేతలుగా అంజాగౌడ్, లక్ష్మీ ప్రసన్న ,ప్రవీణ్ వ్యవ హరించారు.ఉపాధ్యాయులు సిద్దు ,రాజు,భిక్షపతి,నర్సింలు, శ్రీనివాస్ పాల్గొన్నారు.
మెదక్ జిల్లా స్థాయి జానపద నృత్య పోటీలు
