రామాయంపేట: కాంగ్రెస్ వర్కింగ్ కమిటీ సభ్యుడిగా ఎన్నికైన మాజీ ఉపముఖ్యమంత్రి దామోదర్ రాజనర్సింహను కాంగ్రెస్ కార్యకర్తలు బుధవారం నాడు రామయంపేటలో ఘనంగా సన్మానించారు. పీసీసీ సభ్యులు సుప్రభాతారావు, మ్యాడం బాలకృష్ణ ఆధ్వర్యంలో కాంగ్రెస్ ముఖ్య నేతలు తమ ప్రియతమ నాయకుడిని శాలువాలు పూలదండలతో సత్కరించారు. ఉన్నత రాజకీయ విలువలు కలిగిన దామోదర రాజనర్సింహను కాంగ్రెస్ వర్కింగ్ కమిటీ సభ్యుడిగా ఎంపిక చేయడం హర్షణీయమని పీసీసీ నేతలు సుప్రభాత రావు, మ్యాడం బాలకృష్ణ వ్యాఖ్యానించారు. దామోదర రాజనర్సింహ నేతృత్వంలో ఉమ్మడి మెదక్ జిల్లాలో కాంగ్రెస్ పార్టీ విజయ దుందుభి మోగిస్తుందని విశ్వాసం వ్యక్తం చేశారు. ఈ కార్యక్రమంలో మెదక్, రామయంపేట బ్లాక్ కాంగ్రెస్ అధ్యక్షులు రమేష్ రెడ్డి, హఫీజ్, జిల్లా కాంగ్రెస్ ఎస్సీ సెల్ అధ్యక్షుడు జంగర్ల గోవర్ధన్, జిల్లా కాంగ్రెస్ ఎస్టీసెల్ అధ్యక్షుడు ముడావత్ అశోక్ నాయక్, వైస్ ఎంపీపీ సత్యనారాయణ గౌడ్, ఎంపీటీసీలు గొండ స్వామి, ప్రసాద్ గౌడ్, సీనియర్ నాయకులు పంతులు బుమన్న, అక్బర్ భాయ్, డాకి స్వామి, నాగిరెడ్డి, పట్టన కాంగ్రెస్ ప్రధానకార్యదర్శి అల్లాడి వెంకటేష్, సిద్దన్న, కడియాల మల్లేష్, పెండల రమేష్, మాడూర్ నవీన్, సల్మాన్, నవీన్ చౌదరి, నాగేందర్, చింటూ, సంపత్, నర్సింలు నాయక్, సుధాకర్, క్రిష్ణ, కిషన్, మధు తారక్, కుమార్, ప్రభాకర్ తదితరులు పాల్గొన్నారు.
