గాజులపల్లె మెట్టలో వైభవంగా మౌలాలి స్వామి జార్తులు
స్టూడియో 10 టీవీ న్యూస్, ఆగస్టు 07 మహానంది:
మహానంది మండలం గాజులపల్లె మెట్ట నందు మౌలాలి స్వామి జార్తులు వేడుకలు వైభవంగా నిర్వహించారు.కమిటీ సభ్యులు,గ్రామ పెద్దలు, ఆధ్వర్యంలో మౌలాలి స్వామికి ప్రత్యేక ఫాతెహాలు, గంధాన్ని సమర్పించారు.మొహరం పండుగ ముగిసిన తొమ్మిది రోజులకు మౌలాలి స్వామి జార్తులు వేడుకలు జరుపుకోవడం ఆనవాయితీ వస్తుంది.భక్తులు స్వామివారికి పూల సూచికలు, కానుకలు సమర్పించి భక్తిశ్రద్ధలతో పూజలు నిర్వహించుకున్నారు.రాత్రి నుండి ఉదయం వరకు స్థానికులే కాక వివిధ ప్రాంతాల నుంచి వచ్చిన భక్తులు భక్తిశ్రద్ధలతో ప్రత్యేక పూజలు నిర్వహించుకున్నారు.మౌలాలి స్వామి పీరు ఊరేగింపులో అధిక సంఖ్యలో ప్రజలు పాల్గొన్నారు. ఎలాంటి అవాంఛనీయ సంఘటనలు జరగకుండా మహానంది ఎస్ఐ నాగేంద్ర ప్రసాద్ ఆధ్వర్యంలో బందోబస్తు ఏర్పాటు చేశారు.
